DarkNet uklučaje ŭ siabie veb-sajty, dostup da jakich mahčymy tolki z dapamohaj prahramnaha zabieśpiačeńnia, što harantuje ananimnaść karystalnikaŭ. Paśla aryštu palicyja adrazu ž zabłakavała sajt DarkMarket.
Na DarkMarket pradavali narkotyki, falšyvyja hrošy, kradzienyja płaciežnyja kartki, prahramnaje zabieśpiačeńnie dla ŭzłomu kampjutarnych sietak i inšyja nielehalnyja tavary.
Sajt zabłakavali ŭ vyniku šmatmiesiačnych rasśledavańniaŭ z udziełam FBR i inšych zamiežnych pravaachoŭnych orhanaŭ. Na sajcie naličvałasia kala 500 000 karystalnikaŭ i było praviedziena jak minimum 320 000 tranzakcyj. Śledčyja płanujuć vyjavić maderataraŭ, kupcoŭ i handlaroŭ DarkMarket z dapamohaj zachavanych na sajcie źviestak.
Hałoŭny padazravany admoviŭsia davać pakazańni. Jaho pamiaścili ŭ śledčy izalatar.
