spring96.org
Taksama ź jaho spahnali 375 rubloŭ na karyść aŭtahaspadarki UUS Hrodzienskaha abłvykankama, paviedamlaje spring96.org.
Spravu razhledzieŭ sudździa Juryj Kazakievič. Dziaržaŭny abvinavaŭca — Mikita Myśliviec.
Z sudovych materyjałaŭ było viadoma, što Siarhiej Rymša byŭ na Savieckaj płoščy Hrodna 9 žniŭnia ŭ 23:15, kali ŭ taniravany mikraaŭtobus ź siłavikami palacieŭ kamień. Nieŭzabavie Siarhieja zatrymali, zavieźli ŭ Leninski RAUS, i paviedamili, što na jaho zaviedzienaja kryminalnaja sprava.
U jakaści paciarpiełych vystupili šeść supracoŭnikaŭ milicyi: Čarniaŭski, Bajarčuk, Stalar, Bahuševič, Sacura i Litvin.
Dziaržaŭny abvinavaŭca patrabavaŭ dla Rymšy pazbaŭleńnie voli pa dvuch artykułach Kryminalnaha kodeksa terminam na 4 z pałovaj hady kałonii ahulnaha režymu.
