reform.by
Taksama jon padpisaŭ zahad ab tym, što da pryznačeńnia novaha dyrektara jahonyja abaviazki vykonvaje hałoŭny redaktar BiełaPAN Iryna Leŭšyna, paviedamlaje sajt kampanii.
21 studzienia rada akcyjanieraŭ ZAT «BiełaPAN» zaćvierdziła zajavu Navažyłava ab zvalnieńni i pryznačyła Leŭšynu dyrektaram kampanii. Adnačasova jana zastajecca hałoŭnym redaktaram BiełaPAN.
Nahadajem, što 14 studzienia ŭ ofisie BiełaPAN prajšoŭ pieratrus, jaki doŭžyŭsia kala troch hadzin. Kanfiskavanyja rukapisnyja zapisy, finansavaja dakumientacyja, kala dziasiatka chard-dyskaŭ pracoŭnych kampjutaraŭ, dysk sierviera łakalnaj sietki, dva netbuki, vizitoŭki. Vobšuk pravodziŭsia ŭ ramkach kryminalnaj spravy eks-žurnalista BiełaPANa Andreja Alaksandrava. U 2014-2018 hadach jon zajmaŭ pasadu namieśnika dyrektara BiełaPAN.
Niedziaržaŭnaja infarmacyjnaja kampanija BiełaPAN była zasnavanaja 19 listapada 1991 hoda. Da červienia 2018 h. jaje kiraŭnikom byŭ Aleś Lipaj, jaki pamior u žniŭni 2018 hoda.
