Akramia taho, Kułakoŭski pavinien apłacić materyjalnuju kampiensacyju maralnaj škody «paciarpiełamu» — starejšamu opierupaŭnavažanamu Smolaru pamieram u 1000 rubloŭ. A hrošy, jakija razam ź inšymi rečami Kułakoŭskaha zabrali pry zatrymańni (kala 300 jeŭra), źviarnuć u košt hetaha maralnaj pazovy. Ni paciarpieły, ni inšyja śviedki pa hetaj spravie (supracoŭniki milicyi) ni razu nie pryjšli na sudovyja pasiadžeńni (niahledziačy na chadajnictvy advakatki).
Dźmitryj Kułakoŭski byŭ zatrymany 4 studzienia 2020 hoda pry sprobie vyjechać za miažu. Z hetaha času jon znachodziŭsia pad vartaj. Termin jaho znachodžańnia pad vartaj zaličyli ŭ termin abmiežavańnia voli (adzin dzień pad vartaj roŭny dvum dniam adbyćcia pakarańnia).
Dźmitryj raspavioŭ, što za čas jaho znachodžańnia pad vartaj jaho ni razu nie vyvodzili na prahułki i siońnia, kali jaho vypuścili z zały suda, jon «upieršyniu za hety čas ubačyŭ śvietłavy dzień».
Taksama Kułakoŭski adznačyŭ, što jamu nie davali nieabchodnyja leki, i mienavita tamu u jaho ciapier dyjabiet pieršaha typu (raniej jon chvareŭ na dyjabiet druhoha typu).
Dźmitryj padkreśliŭ, što jaho sprava sfabrykavanaja, bo jaho pieraśledujuć za zvalnieńnie z pasady načalnika kryminalnaha vyšuku Zavodskaha RUUS horada Minska z-za žnivieńskich padziej. Jon budzie abskardžvać rašeńnie suda.
