Mahčymaja reforma partyjnaj sistemy sparadžaje ŭsio novyja i novyja siły, jakija zajaŭlajuć pra hatoŭnaść stvaryć palityčnuju partyju. Raniej pra svajo žadańnie zajaŭlali niekatoryja prarasijskija siły, naprykład, Siarhiej Łušč.

A ciapier ab svajoj hatoŭnaści abjadnacca ŭ zarehistravanym utvareńni zajavili byłyja siabry inicyjatyŭnaj hrupy Valeryja Capkały.

Arhkamitet «Demakratyčnaha sajuza».

Arhkamitet «Demakratyčnaha sajuza».

Ruchavikom stvareńnia staŭ Andrej Łankin, jaki ŭznačalvaŭ kamandu Capkały. Paśla vybaraŭ Łankin na niejki čas źnik, a potym znajšoŭsia ŭ kruhłym stale, jaki pravodzić Juryj Vaskrasienski.

Pres-kanfierencyja «Demakratyčnaha sajuza» prachodziła jakraz u ciapierašnim štabie Vaskrasienskaha na vulicy Charužaj, raniej tut mieściŭsia ofis kamandy Viktara Babaryki. Varta skazać, što za apošnija miesiacy pamiaškańnie značna ažyło.

Naprykład, pracuje za stałom Illa Biahun, jaki niadaŭna viarnuŭsia ź Litvy, i ŭžo paśpieŭ stać hościem Marata Markava na ANT. Chodzić praŭładny ekśpiert Piotra Piatroŭski. Dy i inšych ludziej chapaje. Na ŭvachodzie źjaviŭsia kałarytny achoŭnik, jaki ŭvažliva praviaraje, chto ty i navošta tut.

Andrej Łankin.

Andrej Łankin.

Aproč Łankina, siarod zasnavalnikaŭ arhkamiteta Mikałaj Sierykaŭ (u minułym supracoŭnik vajskovaj kontrraźviedki), Alaksandr Dziaško (kažuć, u kamandzie Capkały adkazvaŭ za achovu i mieŭ mianušku «Alihatar»), a taksama Mikałaj Kavalenka. Heta ŭsie ludzi, što byli ŭ kamandzie Capkały.

«Nas abjadnoŭvała nie ahulnaja ideja, a ahulnaja meta. My abirajem inšy šlach — nie vakoł lidara, a vakoł metaŭ i zadač. My stvarajem partyju, dzie miesca mohuć znajści ŭsie płasty hramadstva. Naš šlach — dyjałoh, a nie ckavańnie, šantaž ci čornyja śpisy», — adznačyŭ Andrej Łankin.

Andrej Łankin.

Andrej Łankin.

Siarod metaŭ i zadač adznačajecca «kancentravańnie enierhii ŭnutry krainy, a nie za miažoj». «Kali skazać adnoj frazaj, to my stvaryli dziaržaŭnaść, ciapier treba stvaryć hramadzianskaść», — adznačaje Łankin. Jon bačyć metami dziejnaści pavieličeńnie palityčnaj piśmiennaści hramadzian, uviadzieńnie elemientaŭ pramoj demakratyi, praviadzieńnie refierendumaŭ, pavieličeńnie roli miascovaha samakiravańnia.

Da kanca lutaha «Demakratyčny sajuz» płanuje sfarmiravać arhkamitet, u krasaviku dla hramadskaści budzie vystaŭleny ekanamičny błok prahramy, a ŭ červieni — užo ŭsia prahrama całkam.

Alaksandr Dziaško.

Alaksandr Dziaško.

Užo bolš za 15 hadoŭ Ministerstva justycyi nie rehistruje novyja partyi. Čamu Łankin miarkuje, što jahonaje ŭtvareńnie budzie zarehistravana? «My čakajem, što adbuducca źmieny, jakija dazvolać zarehistravać partyi, a mienavita pašyreńnie roli partyj u žyćci».

Što tyčycca ŭdziełu va Usiebiełaruskim schodzie, to Łankin adznačyŭ, što dla ŭdziełu ŭ im «nie paśpiavajem adpravić zajaŭku».

Łankin adznačyŭ, što razmaŭlaŭ nakont stvareńnia arhkamiteta z Valeryjem Capkałam, ale toj nie płanuje dałučacca da pracy «Demakratyčnaha sajuza».

«My budziem pracavać jak płatforma ź fiederatyŭnaj formaj. My budziem radyja kožnamu hramadzianinu, kab likvidavać prablemy. Nas abjadnoŭvajuć ahulnademakratyčnyja kaštoŭnaści», — zaznačaje Dziaško.

Ci možna budzie ličyć «Demakratyčny sajuz» apazicyjnaj partyjaj? «Tut pytańnie, što takoje apazicyja? Apazicyja, jakaja machaje ściahami i ničoha nie dabivajecca, ci kanstruktyŭnaja apazicyja. Moža być, my kanstruktyŭnaj apazicyjaj abzaviomsia. Budziem prapanoŭvać uładzie, kab u hramadstvie nastupiŭ spakoj», — ličyć Dziaško.

Mikałaj Sierykaŭ.

Mikałaj Sierykaŭ.

Mikałaj Kavalenka miarkuje, što ŭ pošuku ludziej dla partyi prablem nie ŭźniknie. «U pratestach udzielničała 200 tysiač čałaviek, kali častka znojdzie realizacyju ŭ nas, to budzie vydatna».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?