Uładzimir Makiej adznačyŭ, što aficyjny Minsk źviarnuŭ uvahu na pazityŭnyja momanty ŭ śfiery biaśpieki, jakija źjavilisia z prychodam novaj administracyi ŭ Bieły dom. Havorka idzie ab kantaktach ZŠA i Rasii z nahody Damovy ab SNV-3. Usio heta vyklikaje «aściarožny aptymizm» Minska, piša Tut.by.
— Što tyčycca pierśpiektyŭ našych adnosin z ZŠA to my zaŭsiody kazali, što my nacelenyja na raŭnapraŭnaje, ciesnaje, kanstruktyŭnaje ŭzajemadziejańnie. My razumiejem, jakuju rolu adyhryvajuć ZŠA siońnia ŭ śviecie, razumiejem, što heta supierdziaržava №1, tamu my zacikaŭleny ŭ najaŭnaści narmalnaha ŭzajemadziejańnia z hetaj dziaržavaj. Z ulikam taho, što, mahčyma, my niekalki pa-roznamu ŭsprymajem pryjarytety našaha supracoŭnictva, z ulikam taho, što niekatoryja našy zachodnija partniory nie abjektyŭna aceńvajuć pracesy, jakija adbyvajucca ŭ Biełarusi, my nie vyklučajem, što mohuć być peŭnyja ciažkaści ŭ vybudoŭvańni narmalnych uzajemaadnosin z ZŠA. My zacikaŭleny ŭ tym, kab mieć taki važny kanał suviazi, jak najaŭnaść pasłoŭ u abiedźviuch dziaržavach. My zacikaŭlenyja ŭ prybyćci amierykanskaha pasła ŭ Biełaruś, zacikaŭlenyja, kab jak maha chutčej naš pasoł byŭ nakiravany ŭ ZŠA, — kazaŭ Makiej.
Novych kandydataŭ na pasadu pasła Biełarusi ŭ ZŠA ŭ MZS padabrali, chutka ich prapanujuć na razhlad Łukašenki.
Nahadajem, u kancy minułaha hoda pamior namieśnik ministra zamiežnych spraŭ Aleh Kraŭčanka, jon byŭ pryznačany na pasadu pasła ŭ ZŠA.
