Leanid Sudalenka byŭ zatrymany 18 studzienia pa darozie na ofis. Jaho advieźli na dopyt u Śledčy kamitet, kudy jaho advakat zmoh patrapić tolki bližej da viečara. Zatym jaho źmiaścili ŭ izalatar, a praź niekalki dzion pieraviali ŭ SIZA. Biełaruskaja pravaabarončaja supolnaść pryznała Sudalenku palityčnym źniavolenym.
Za dva tydni da zatrymańnia Sudalenki ŭ Hramadska-palityčnym centry na vuł. Paleskaj, 52, dzie znachodzicca ofis «Homielskaj viasny», prajšoŭ pieratrus, padčas jakoha byli kanfiskavanyja dakumienty, jakija tyčacca dziejnaści pravaabaroncy (pastanovy sudoŭ, abskardžańni).
