U hety termin zaličvajecca termin znachodžańnia Ivana Zubko pad aryštam padčas śledstva — z 16 listapada 2020 hoda da 3 lutaha 2021 hoda z raźlikam adzin dzień pad aryštam roŭny dvum dniam «chimii». Mieru strymańnia Ivana źmianili na padpisku ab niavyjeździe — i adpuścili paśla vyniasieńnia prysudu.
Akramia taho, u prysudzie ŭličyli prava na zadavalnieńnie hramadzianskaha pazovu i pastanavili pieradać hetaje pytańnie na razhlad (havorka idzie pra škodu «Minsktransu», jakaja raniej była acenienaja ŭ 10 689 biełaruskich rubloŭ). Pakul pazoŭ nie razhledžany, na kanfiskavanyja mabilny telefon i płanšet Ivana nakładzieny aryšt.
Nahadajem, Ivana Zubko zatrymali 1 listapada 2020 hoda padčas niadzielnaha maršu. Pratestoŭcy vyjšli na praśpiekt Niezaležnaści, što i paciahnuła, na dumku abvinavačvańnia, spynieńnie hramadskaha transpartu i ŭron «Minsktransu». Abaronca Ivana Zubko adznačała padčas sprečki bakoŭ, što praśpiekt byŭ pierakryty i z-za śpiecaŭtatranspartu supracoŭnikaŭ AMAP.
«Na najbližejšyja try hady stanu rabom», — skazaŭ Ivan Zubko, aceńvajučy prysud.
Taksama Ivan Zubko raspavioŭ abstaviny svajho zatrymańnia pa kryminalnaj spravie: kali jon 16 listapada viarnuŭsia dadomu paśla 15-sutačnaha administracyjnaha aryštu (vyniesienaha taksama za ŭdzieł u Maršy 1 listapada), to «litaralna praź dźvie chviliny pryjšli supracoŭniki» — z tych časoŭ Ivan zastavaŭsia pad vartaj.
Pa padziejach 1 listapada 2020 hoda była zaviedzienaja adrazu 231 kryminalnaja sprava ŭ dačynieńni da ŭdzielnikaŭ pratestaŭ.
