Fota Depositphotos.com
U čaćvier Danija adobryła prajekt budaŭnictva štučnaha vostrava ŭ Paŭnočnym mory, jaki stanie vietraenierhietyčnym chabam.
Kali vostraŭ budzie zbudavany, jon budzie davać elektraenierhiju dla miljonaŭ damoŭ. Akramia hetaha, vietravaja enierhija vostrava budzie vykarystoŭvacca ŭ pramysłovaści i transparcie, piša DW.
Heta rašeńnie było pryniataje paśla taho, jak ES abviaściŭ pra svaje płany pa elektrazabieśpiačeńni. Na praciahu dziesiacihodździa krainy ES buduć imknucca pierajści da ŭznaŭlalnych krynic enierhii, a da siaredziny stahodździa pasprabujuć pavialičyć vykarystańnie marskoj vietraenierhietyki ŭ 25 razoŭ.
Vostraŭ płanujecca raźmiaścić prykładna za 80 kiłamietraŭ ad zachodniaha ŭźbiarežža Danii. Płošča vostrava budzie składać 0,12 kvadratnaha kiłamietra.
Urad Danii spadziajecca, što vostraŭ pačnie pracavać u 2033 hodzie. Pieršy etap prajekta budzie kaštavać prykładna $33 miljardy.
