Vydańnie adznačaje, što mienavita takaja dola pryščeplenaha nasielnictva nieabchodnaja dla zakančeńnia pandemii i viartańnia da narmalnaha žyćcia.
Ahienctva prahnazuje, što z ulikam siońniašnich tempaŭ vakcynacyi bližej za ŭsich da mety Izrail i AAE — čakajecca, što abiedźvie krainy dasiahnuć jaje praz dva miesiacy.
U Vialikabrytanii hety praces zojmie paŭhoda. ZŠA nabliziacca da zapavietnaj adznaki da Novaha hoda, choć tempy vakcynacyi mocna adroźnivajucca ad štata da štata.
Situacyja zmročnaja ŭ Kanadzie, dzie tempy vakcynacyi mocna zamarudzilisia z-za prablem z pastaŭkami preparata. Kali jany zastanucca na raniejšym uzroŭni, to na vakcynacyju troch čverciaŭ hramadzian krainie spatrebicca 10 hadoŭ. Anałahičny termin nazvany dla Rasii i Indyi.
Ahienctva taksama sprahnazavała, što vakcynacyja 75% nasielnictva zojmie 2,5 hady ŭ Italii, 3,1 hoda — u Niamieččynie, 3,8 hoda — u Francyi, 5 z pałovaj hadoŭ — u Kitai.
Biełarusi ŭ prahnozach niama, bo vakcynacyja ŭ nas idzie tempami čarapachi.
Litvie i Estonii dajecca 2,5 hady, Polščy — 2,3, a Łatvii pry siońniašnich tempach vakcynacyi spatrebicca amal 8 hadoŭ.
Naprykład, u Estonii štodnia robicca 2081 pryščepka, u Litvie — 4237.