«Hodna — dzietkam» — novy prajekt na jutub-kanale «Hodna», jaki pryśviečany stvareńniu dziciačaha kantentu, z dapamohaj jakoha možna vučyć ałfavit, ličby, nazvy koleraŭ, žyvioł u zajmalnaj formie i pa-biełarusku.
Pieršy rolik pryśviečany vyvučeńniu biełaruskaha ałfavita. V — značyć vožyk!
Prajekt ažyćciaŭlaje hramadskaja kampanija «Hodna» sumiesna z animatarkaj Volhaj Bieraśnievaj.
Źjaŭleńnie idei prajekta — heta adkaz na zapyty sučasnych biełaruskich baćkoŭ.
«U mianie jość dačuška, i jana, jak usie dzieci, vielmi lubić hladzieć roliki na jutubie. Kab sumiaščać pryjemnaje z karysnym, ja joj uklučaju adukacyjnyja videa: pra ličby, ałfavit, hieamietryčnyja formy. Takoha kštałtu kantentu na jutubie šmat, ale na ruskaj i anhlijskaj movach. Ja vyrašyła, čamu b nie zrabić takija ž videa na biełaruskaj, tym bolš, što ja heta ŭmieju», — kaža Volha.
Nastupnyja vypuski buduć pryśviečanyja temam:
- «Ličym pa-biełarusku»,
- «Usie kolery viasiołki (i nie tolki) pa-biełarusku»,
- «Nazvy chatnich žyviołaŭ pa-biełarusku i spradviečnyja biełaruskija mianuški dla ich»,
- «Pory hoda i nazvy miesiacaŭ pa-biełarusku».
Kab nie prapuścić novyja roliki, kampanija «Hodna» rekamienduje padpisacca na jutub-kanał: https://www.youtube.com/c/hodnaby.
Usie naviny buduć publikavać u sacyjalnych sietkach:
_____________________________________________
«Hodna» — heta hramadskaja kampanija, skiravanaja na farmiravańnie i pramocyju matyvujučaj biełaruskaj idei praz padtrymku i zapusk nacyjanalna-aryjentavanych prajektaŭ u sučasnych farmatach.