U paniadziełak, 15 lutaha, na terytoryi Biełarusi ŭstanovicca vobłačnaje z prajaśnieńniami nadvorje. Karotkačasovy śnieh čakajecca tolki pa paŭdniovym zachadzie.
U načnyja hadziny tempieratura pavietra budzie vahacca ad -13°C da -20°C, pry prajaśnieńniach -21°C…-26°C. Dniom ža budzie -7°C…-14°C. Pry hetym pa paŭdniovym zachadzie krainy nočču budzie -9°C…-12°C, a dniom — -4°C…-6°C.
U aŭtorak, 16 lutaha, i ŭ sieradu, 17 lutaha, zachavajecca vobłačnaje z prajaśnieńniami nadvorje. Karotkačasovy śnieh projdzie miescami pa krainie. Budzie paŭnočny ŭmierany viecier.
Nočču słupok termomietra apuścicca da -15°C…-22°C, pry prajaśnieńniach — da -26°C, a dniom — budzie vahacca ad -5°C pa zachadzie da -12°C pa ŭschodzie krainy.
U čaćvier, 18 lutaha, i ŭ piatnicu, 19 lutaha, u Biełarusi budzie bieź istotnych apadkaŭ. U načnyja i ranišnija hadziny možna budzie nazirać tuman. Na asobnych učastkach daroh hałalodzica.
Nočču słupok termomietra budzie vahacca ad -17°C da -23°C, pry prajaśnieńniach — da -26°C. Dniom tempieratura pavietra składzie -7°C…-14°C.
U vychadnyja marazy pačnuć pavolna słabieć. U subotu, 20 lutaha, u načnyja hadziny budzie ad -7°C pa zachadzie da -26°C pa ŭschodzie krainy, dniom adpaviedna ad -1°C da -14°C. U niadzielu, 21 lutaha, jašče trochi paciapleje: pad ranicu budzie -4°C…-10°C, a ŭ siaredzinie dnia budzie ad +3°C pa zachadzie da -3°C pa paŭdniovym uschodzie krainy.
