Ebi Błum — vykładčyca ŭ Škole hramadskaha zdaroŭja Sidnejskaha ŭniviersiteta i ŭ Sidnejskim technałahičnym univiersitecie. U svaim novym artykule dla brytanskaha vydańnia «Hardyjan» spadarynia Błum piša: z kožnym dniom čałaviectva źbiraje ŭsio bolš infarmacyi pra kavid, i heta ŭrešcie dapamoža nam pieramahčy pandemiju.
Pandemija kavidu była vypadkam, kali palitykam i miedykam davodziłasia prymać miery, nie vałodajučy dastatkovaj infarmacyjaj dla hetaha. Prykład hetaha — jak kiraŭnik amierykanskaj sanitarnaj słužby Entani Faŭčy kazaŭ u sakaviku 2020 hoda: «Niama sensu chadzić u mascy». Navukoŭcy abvierhli hety tezis, bo pačali lepš razumieć virus i miechanizmy jaho pieradačy.
Ebi Błum tłumačyć, što kryzisnyja situacyi patrabujuć terminovych rašeńniaŭ, ale ciapier nam dla hetaha prosta nie chapaje infarmacyi. Bolšaja častka supraćkavidnych vakcyn, što raspaŭsiudžvajucca zaraz u śviecie, znachodziacca na treciaj fazie vyprabavańniaŭ — to-bok kolkaść pryščeplenych ludziej vymiarajecca tysiačami. Pakul što vakcynacyja tolki pačynajecca, i tamu da vakcyn jość šmat pytańniaŭ. Naprykład, nieviadoma, nakolki vakcyny buduć dziejničać suprać novych štamaŭ kavidu, ci budzie čałaviek pieranosčykam kavidu paśla vakcynacyi, jak kankretna vakcyny buduć dapamahać arhanizmu zmahacca z chvarobaj.
Ale ŭžo adnaznačna, što za 10 miesiacaŭ pracy nad vakcynami navukoŭcy dasiahnuli cudoŭnych vynikaŭ, i novaja infarmacyja pra kavid źbirajecca ź niejmaviernaj chutkaściu. Tamu nakont vakcynacyi Ebi Błum upeŭnienaja: «Treba daviarać miedycynie, vakcynavacca varta».
