Rasija ŭjaŭlaje pahrozu dla ŭsich členaŭ NATA, u tym liku ZŠA. Pra heta ŭ časie bryfinhu zajaviŭ aficyjny pradstaŭnik Pientahona, paviedamlaje RBK.
«Rasija padryvaje prazrystaść i pradkazalnaść. Jany vykarystoŭvajuć vajskovuju siłu dla dasiahnieńnia svaich metaŭ. Jany padtrymlivajuć proksi-hrupy i siejuć chaos i sumnievy, padryvajuć mižnarodny paradak, — zajavili ŭ vajskovym viedamstvie. — My bačym imknieńnie Rasii padarvać biaśpieku i stabilnaść va ŭsim śviecie svaim aŭtarytarnym padychodam».
Pradstaŭnik abaronnaha viedamstva padkreśliŭ, što ZŠA majuć namier prasoŭvać ułasnyja intaresy. Akramia taho, u Pientahonie adznačyli, što prymusiać Rasiju «adkazvać za biezrazvažnyja i ahresiŭnyja dziejańni».
ZŠA majuć namier uźniać pytańnie pra pahrozu z boku Rasii padčas zapłanavanaj na 17—18 lutaha videakanfierencyi ministraŭ abarony Paŭnočnaatłantyčnaha aljansu.
