Fota Lidar-pres
Spravu razhladała sudździa Volha Prakapovič.
Z materyjałaŭ śledstva viadoma, što 9 žniŭnia 2020 hoda pablizu kramy «Centralny» ŭ Salihorsku supracoŭniki RAUS zatrymali mužčynu.
Na videazapisie było zafiksavana, jak jon spakojna siadzieŭ na łaŭcy, kali da jaho padbiehli niekalki amapaŭcaŭ z dubinkami.
«Nie žadajučy być zatrymanym za administracyjnaje pravaparušeńnie i dastaŭlenym u RAUS dla vyśviatleńnia asoby i inšych abstavin, kateharyčna admoviŭsia prajści ź milicyjantami, — prakamientavali ŭ prakuratury. — Jon vykazaŭsia ŭ ich adras niecenzurnaj łajankaj. Pieraškadžajučy svajmu zatrymańniu, naŭmysna nanios dvum supracoŭnikam AUS ŭdary rukami ŭ vobłaść hałavy, čym pryčyniŭ im paboi i fizičny bol».
Paciarpiełyja — supracoŭniki Salihorskaha RAUS Arciom Michied i Alaksiej Kapačenia.
Sudździa abviaściŭ prysud: adzin hod i šeść miesiacaŭ pazbaŭleńnia voli z adbyvańniem u kałonii ahulnaha režymu i materyjalnaja kampiensacyja ŭ pamiery 2000 rubloŭ kožnamu paciarpiełamu supracoŭniku: Arciomu Michiedu i Alaksieju Kapačeniu.
Prysud nie kančatkovy i padlahaje abskardžańniu. Padsudny uziaty pad vartu ŭ zale suda.
Na sud abvinavačany pryjšoŭ z rečami.
Napiaredadni 69 rabotnikaŭ «Biełaruśkalija» pastavili svaje podpisy ŭ padtrymku Karatčeni z prośbaj ab pryznačeńni pakarańnia, nie źviazanaha z pazbaŭleńniem voli.