Fota BBC
U 2019 hodzie hadavy ekspart sielskahaspadarčaj pradukcyi ŭ Japonii skłaŭ usiaho $8,79 miljarda — nievialikaja ličba dla krainy z ekanomikaj pamieram ź japonskuju. Heta ličba ŭražvaje, ale tradycyjnyja japonskija sielkahaspadarčyja mietady zastajucca pracajomkimi, a siaredni ŭzrost rabotnikaŭ u hetym siektary dasiahnuŭ 67 hadoŭ.
Mienavita tamu zacikaŭlenyja baki vyvučajuć šlachi madernizacyi sielskaj haspadarki i pavyšeńnia pradukcyjnaści. Vytvorcy ŭśviedamlajuć nieabchodnaść pierachodu ad madeli, kali pradukt źjaŭlajecca hałoŭnym, da madeli, dzie hałoŭnym stanovicca spažyviec, a inakš kažučy, da rynkava aryjentavanaj sielskaj haspadarki. Jakraz technałohii adyhryvajuć vyklučnuju rolu ŭ pierachodzie da novaha stylu viadzieńnia sielskaj haspadarki.
Prykład aktyŭnaha ŭkaranieńnia technałohij — japonskaja fierma Bell Farm, jakaja zajmajecca vyroščvańniem pamidoraŭ. Pamidory — druhaja pa zapatrabavanaści sielskahaspadarčaja kultura ŭ Japonii paśla rysu, piša BBC.
Bell Farm imkniecca realizavać prajekt «razumnaj sielskaj haspadarki», jaki ŭklučaje ŭ siabie aŭtamatyzacyju pracesu, što robić jaho bolš łahičnym, a zatym jaho analiz i vyvučeńnie vynikaŭ.
Z 2019 hoda Bell Farm vykarystoŭvaje ciaplicy z klimat-kantrolem, jakija dazvalajuć atrymlivać uradžaj na praciahu ŭsiaho hoda. Taksama aktyŭna prymianiajucca rabatyzavanyja sartavalnyja mašyny, u jakich ustalavana prahramnaje zabieśpiačeńnie, što moža vyjaŭlać, kolki cukru maje harodnina ŭ svaim składzie, zaŭvažać paškodžańni, a taksama fiksavać pamier kožnaha pamidora.
Ukaranieńnie padobnych technałohij u sielskaj haspadarcy značna ekanomić čas, a taksama ŭpłyvaje na pracoŭnuju siłu. Źmianšajecca patreba ŭ fizičnaj pracy i kolkaści rabotnikaŭ. U toj ža čas technałohii dajuć mahčymaść uvajści ŭ siektar maładomu pakaleńniu, jakoje nie maje vopytu ŭ sielskaj haspadarcy, ale padkavanaje technična.
Budučy pośpiech japonskaha sielskahaspadarčaha ekspartu budzie zaležyć ad jakaści pradukcyi. Jakraz sučasnyja technałohii i źjaŭlajucca najbolš efiektyŭnym sposabam, kab dasiahnuć mižnarodnaha pryznańnia. GLOBALG.A.P. — samaja papularnaja ŭ śviecie prahrama siertyfikacyi fiermierskich haspadarak. Bell Farm užo prajšła hetu siertyfikacyju, što dazvalaje vytvorcam raspaŭsiudžvać svaju pradukcyju va ŭsim śviecie.
Kacuchisa Takiesue, mieniedžar pa pracy z klijentami ad GLOBALG.A.P., adznačaje, što japonskaja sielskahaspadarčaja pradukcyja ŭžo maje dobruju reputacyju za miažoj z punktu hledžańnia smaku i vyhladu.
«Kali vytvorcy zmohuć prademanstravać suśvietnamu rynku, što ich pradukcyja adpaviadaje patrabavańniam biaśpieki charčovych praduktaŭ, dabrabytu rabotnikaŭ, a taksama ekałahičnym standartam — usio heta składaje asnovu sielskahaspadarčaha biznesu, to japonski brend budzie mieć vysokija pazicyi ŭ śviecie», — śćviardžaje Kacuchisa Takiesue.
Japonija ŭžo pakazała, što moža dasiahnuć technałahičnaj daskanałaści za košt inavacyj u vytvorčaści. Vierahodna, heta dapamoža krainie vyvieści sielskahaspadarčuju pradukcyju na novy ŭzrovień šlacham realizacyi stabilnaj kruhłahadovaj vytvorčaści i źnižeńnia zaležnaści ad fizičnaj pracy i klimatyčnych umoŭ.
