Uładzimir Martaŭ. Fota Alesia Pileckaha, Tut.by
1 sakavika Uładzimir Martaŭ atrymaŭ apaviaščeńnie ad administracyi BCHMD ab tym, što z 3 krasavika ź im nie praciahvajuć pracoŭny kantrakt — «u suviazi z zakančeńniem terminu jaho dziejańnia». Uładzimir Martaŭ paćvierdziŭ hetuju infarmacyju:
— 2 krasavika zabiraju pracoŭnuju knižku.
Miedyk adznačyŭ, što heta dla jaho «čakana», ale jon pakul nie hatovy havaryć na hetuju temu bolš padrabiazna.
Fota dakumienta Tui.by dali viciebskija daktary
Uładzimir Martaŭ staŭ adnym ź pieršych daktaroŭ u Biełarusi, chto jašče ŭ krasaviku 2020 hoda, kali ŭłady zapeŭnivali, što nichto ad COVID-19 u nas nie pamiraje, nie pabajaŭsia zajavić, što prablema jość i jana surjoznaja.
U mai minułaha hoda jon raspavioŭ ab svaim vopycie lačeńnia chvorych z karanavirusam u reanimacyi.
U listapadzie doktar Martaŭ daŭ vialikaje intervju Tut.by ab druhoj chvali kavidu. Reanimatołah kazaŭ, što kankretna Viciebsk «pałaŭ» ad infiekcyi mienš, čym viasnoj, ale scenary ŭ chvaroby byli samyja roznyja: pamirali i maładyja, i prychilniki zdarovaha ładu žyćcia. A dla daktaroŭ na novaj «vajnie» adkryŭsia jašče i «druhi front» — palityčny.
