Z poŭnym emocyj zvarotam u Mižnarodny Čyrvony kryž źviarnuŭsia, u pryvatnaści, viadomy piśmieńnik biełaruskaha pachodžańnia Saša Filipienka.
Usio pačałosia z taho, što analityki źviarnuli ŭvahu na ŭdzieł 2996 pradstaŭnikoŭ Čyrvonaha Kryža ŭ vybarčych kamisijach na tych učastkach, dzie naziralniki padazravali masavyja falsifikacyi. Pryčym heta nie pieršy raz: 2532 z členaŭ kamisij užo ŭdzielničali ŭ vybarkamach na papiarednich vybarach. Pry hetym v.a. staršyni prezidyuma arhanizacyi — ministr achovy zdaroŭja Pinievič.
Akramia taho, uvahu źviarnuŭ toj fakt, što Čyrvony kryž nijak nie dapamoh bolš jak 33 tysiačam čałaviek, zatrymanych u Biełarusi pa palityčnych matyvach ź leta 2020 hoda.
Paśla masavych zvarotaŭ dyjaspary da spravy dałučyłasia Nacyjanalnaje antykryzisnaje ŭpraŭleńnie. Jano źviarnułasia ŭ Mižnarodny kamitet Čyrvonaha kryža z tryma prośbami:
1. razhledzieć prykładzienyja materyjały ab parušeńni BTČK pryncypaŭ niejtralnaści i niezaležnaści, jakija dekłarujucca mižnarodnym rucham Čyrvonaha Kryža i Čyrvonaha Paŭmiesiaca;
2. likvidavać finansavuju padtrymku BTČK i nakiravać srodki naŭprost ludziam, jakija žyvuć u niastačy;
3. prypynić siabroŭstva BTČK u Mižnarodnaj fiederacyi tavarystvaŭ Čyrvonaha Kryža i Čyrvonaha Paŭmiesiaca, a taksama mižnarodnym ruchu Čyrvonaha Kryža i Čyrvonaha Paŭmiesiaca da taho času, pakul arhanizacyja nie dakaža svaju adpaviednaść pryncypam ruchu».
