Ivan Cierciel raspavioŭ, što śpiecsłužby zatrymali ŭ Biełarusi arhanizavanuju hrupu asob, jakaja rychtavała terakty ŭ krainie. Tak, pravaachoŭniki ŭ vyniku rasśledavańnia vyjavili schovanki ź vialikaj kolkaściu vybuchoŭki. «Tratył vyličvajecca dziasiatkami kiłahramaŭ», — zajaviŭ jon.
Ab vyjaŭleńni novaj hrupy, u jakoj kanfiskavanyja arsienały z tratyłam i płastydam, Alaksandr Łukašenka raspavioŭ 5 sakavika padčas naviedvańnia motaviełazavoda. «Heta nie Aŭtuchoviča hrupa. Heta ŭžo novyja. Dobra, što ich prykryli. I tam arsienały. Navošta?» — adznačyŭ Alaksandr Łukašenka.
Apošni raz takija zajavy hučali ŭ 2017 hodzie padčas narodnych pratestaŭ suprać «ukaza ab darmajedach». Tady dastaviernych dokazaŭ najaŭnaści realnaj terarystyčnaj hrupy ŭ vyniku tak i nie prahučała, a hučna zatrymanych nieŭzabavie vyzvalili. Pa telebačańni ž pakazvali «tajnik» u Nalibockaj puščy, u jakim była mietaličnaja armatura.
