Danija, Narviehija i Isłandyja časova prypynili ŭžyvańnie vakcyny, raspracavanaj Oksfardskim univiersitetam i anhła-šviedskaj kampanijaj AstraZeneca, paśla taho jak u niekalkich pryščeplenych u Danii ŭtvarylisia tromby, a adzin čałaviek pamior, piša VVS.
Pakul ničoha nie pakazvaje, što ŭtvareńnie trombaŭ naŭprost abumoŭlena vakcynaj.
Ułady Danii nie paviedamlajuć, kolki skarhaŭ jany atrymali, ale, pa ich słovach, dastatkova, kab prypynić vykarystańnie brytanskaj vakcyny, pa mienšaj miery, na dva tydni — da pieršych vynikaŭ rasśledavańnia.
Kraina nie admaŭlajecca ad AstraZeneca, a tolki časova prypyniaje jaje vykarystańnie.
Brytanski rehulatar — Upraŭleńnie pa kantroli lekavych srodkaŭ i vyrabaŭ miedycynskaha pryznačeńnia Vialikabrytanii (MHRA) — zajaviŭ, što nie vałodaje nijakimi źviestkami ab tym, što vakcyna AstraZeneca niejak spryjaje ŭtvareńniu trombaŭ.
«Tromby mohuć źjaŭlacca naturalnym šlacham i raspaŭsiudžanyja šyroka. Bolš za 11 miljonaŭ doz vakcyny ŭžo vykarystana pa ŭsioj Brytanii», — skazali ŭ MHRA i zaklikali nasielnictva pryščaplacca ŭ adpaviednaści z hrafikam.
