Stvoranaj kanstytucyjnaj kamisii daručana raspracavać prapanovy pa źmienie Kanstytucyi Biełarusi i zabiaśpiečyć ich usienarodnaje abmierkavańnie.
Da 1 žniŭnia 2021 hoda Kanstytucyjnaja kamisija pavinna pradstavić Łukašenku vypracavanyja prapanovy pa źmienie asnoŭnaha zakona krainy dla nastupnaha ich vyniasieńnia na respublikanski refierendum.
U skład Kanstytucyjnaj kamisii ŭvajšli 36 čałaviek. Kiravać pracaj kamisii budzie staršynia Kanstytucyjnaha suda — zasłužany juryst Biełarusi Piotr Mikłaševič. Jaho namieśniki na pasadzie staršyni kamisii — staršyni Pałaty pradstaŭnikoŭ i Savieta Respubliki Nacyjanalnaha schodu Uładzimir Andrejčanka i Natalla Kačanava.
U skład Kanstytucyjnaj kamisii taksama ŭvajšli parłamientaryi: sienatary Aleh Rumo, Taćciana Runiec, Siarhiej Siviec i deputaty Śviatłana Lubieckaja, Ihar Marzaluk, Valancin Siemianiaka.
Vypracoŭvać prapanovy pa źmienie asnoŭnaha zakona ŭ składzie kamisii buduć i pradstaŭniki orhanaŭ miascovaha samakiravańnia.
U kamisiju ŭvajšli hienieralny dyrektar navukova-technałahičnaj asacyjacyi «Infapark» Uładzimir Baśko, staršynia praŭleńnia ZAT «BSB Bank» kandydat ekanamičnych navuk Siarhiej Dubkoŭ, hienieralny dyrektar AAT «MAZ» — kirujučaja kampanija chołdynhu «BiełaŭtaMAZ» Valeryj Ivankovič, hiendyrektar TAA «Kirujučaja kampanija chołdynhu «Biełaruskaja harbarna-abutkovaja kampanija «Marka», zasłužany rabotnik pramysłovaści Biełarusi Mikałaj Martynaŭ, staršynia praŭleńnia SVK «Ahrakambinat Snoŭ» zasłužany rabotnik sielskaj haspadarki Biełarusi Mikałaj Radaman.
Hramadskija abjadnańni ŭ Kanstytucyjnaj kamisii pradstaŭleny staršynioj Biełaruskaha sajuza žančyn Alenaj Bohdan, Juryjem Vaskrasienskim, staršynioj Moładzievaha savieta pry Nacyjanalnym Schodzie Jahoram Makarevičam, staršynioj Biełaruskaha respublikanskaha sajuza jurystaŭ Valeryjem Mickievičam, pieršym sakratarom CK Kampartyi Biełarusi Alaksiejem Sokałam, Alaksandram Špakoŭskim.
Siarod pradstaŭnikoŭ navuki i adukacyi ŭ skład kamisii ŭklučany zahadčyk kafiedry kanstytucyjnaha prava jurydyčnaha fakulteta BDU doktar jurydyčnych navuk, zasłužany juryst Biełarusi Ryhor Vasilevič, vykładčyk-stažor kafiedry teoryi i historyi dziaržavy i prava jurydyčnaha fakulteta Hrodzienskaha dziaržaŭnaha ŭniviersiteta imia Janki Kupały Bažena Jaremič, namieśnik staršyni Kanstytucyjnaha suda doktar jurydyčnych navuk Natalla Karpovič, dacent kafiedry kanstytucyjnaha prava jurydyčnaha fakulteta BDU kandydat jurydyčnych navuk Taćciana Masłoŭskaja, namieśnik dekana jurydyčnaha fakulteta BDU kandydat jurydyčnych navuk Arciom Puchaŭ, hałoŭny savietnik adździeła ekanamičnaha analizu ŭpraŭleńnia ŭnutranaj palityki Biełaruskaha instytuta stratehičnych daśledavańniaŭ kandydat jurydyčnych navuk Kaciaryna Rečyc, namieśnik dyrektara Nacyjanalnaha centra zakanadaŭstva i pravavych daśledavańniaŭ Respubliki Biełaruś — kiraŭnik Instytuta pravavych daśledavańniaŭ kandydat jurydyčnych navuk Alena Siamaška.
Śfiery kultury i sportu ŭ składzie kanstytucyjnaj kamisii pradstaŭlajuć rektar Biełaruskaj dziaržaŭnaj akademii muzyki doktar mastactvaznaŭstva Kaciaryna Dułava, mastacki kiraŭnik zasłužanaha kalektyvu Respubliki Biełaruś «Teatr-studyja kinaakciora» narodny artyst Respubliki Biełaruś, zasłužany dziejač mastactvaŭ Alaksandr Jafremaŭ, majstar sportu, člen nacyjanalnaj kamandy Biełarusi pa invasporcie Alaksiej Tałaj, staršynia Biełaruskaj fiederacyi viełasipiednaha sportu, zasłužany majstar sportu Natalla Cylinskaja.
