U kvatery, dzie Jahor žyvie razam z žonkaj i maleńkim synam Hiedyminam, prajšoŭ pieratrus. Paśla Jahora zabrali.
«Kudy kankretna jaho pavieźli, nie skazali. Usio, što paśpieŭ skazać Jahor: zabrali nibyta pa padazreńni ŭ spynieńni ruchu ciahnikoŭ u Lidskim rajonie. Heta jon pračytaŭ z pastanaŭleńnia na pieratrus. Ja adrazu adnačyła, što heta śmiešna, bo na radzimie muža ŭ Lidzie my nie byli z momantu majoj ciažarnaści. Na što mnie adkazali, što «spynieńniem ruchu možna kiravać i dystancyjna», — raskazvaje Darja Tubielevič.
Jahor z žonkaj i synam
Pa słovach Darji, sam pieratrus prachodziŭ karektna:
«U ich byccam nie było mety niešta znajści. Ale naš ściah, natatnik z Pahoniaj, a taksama list Jahoru ad Ihara Łosika, telefon i noŭt zabrali. Adzinaje, što mnie nie skazali, kudy muža zabirajuć, tamu ja ŭ razhublenaści».
Jahor aktyŭna papularyzavaŭ užyvańnie biełaruskaj movy, pravodziŭ marafony biełarusizacyi i vioŭ pa-biełarusku svoj błoh, kanał u telehramie. Ën taksama pryniaŭ udzieł u našym prajekcie z ekskursijaj pa Traktarnym pasiołku.
UPD: Paźniej stała viadoma, što Jahoru dali 15 sutak za niepadparadkavańnie supracoŭnikam milicyi (artykuł 24.3 KaAP).
«Nibyta my doŭha adkryvali milicyjanieram dźviery, ale kali da ciabie łomiacca nieviadomyja, doma maleńki syn — jak inakš?», — zadajecca pytańniem žonka Jahora.
