Kontrraźviedka Ukrainy zatrymała hramadzianina Biełarusi, jaki pravodziŭ «raźviedvalnuju dziejnaść na škodu dziaržaŭnaj biaśpieki krainy». Pra heta paviedamlaje pres-słužba SBU.
Jak vynikaje z paviedamleńnia, hramadzianin Biełarusi byŭ zatrymany na terytoryi Vałynskaj vobłaści.
— Ustanoŭlena, što jon byŭ zavierbavany KDB RB i śpiecyjalna byŭ nakiravany na terytoryju našaj dziaržavy dla vykanańnia raźviedvalnych zadač i arhanizacyi inšaj supraćpraŭnaj dziejnaści, — havorycca ŭ paviedamleńni.
Pavodle źviestak SBU, zatrymany pavinien byŭ źbirać aktualnuju infarmacyi pra situacyju ŭ pamiežžy Ukrainy, stan abaronienaści jaje miažy, paradak achovy, techničnaje abstalavańnie i kolkaść asabovaha składu, a taksama źbirać kampramat na pamiežnikaŭ i mytnikaŭ. Z hetaj metaj biełarus sprabavaŭ vierbavać ukrainskich vajskoŭcaŭ, jakija majuć dostup da sakretnaj infarmacyi.
Ad ahienta taksama patrabavałasia arhanizavać kanały pierapraŭki praź miažu ŭ Biełaruś zbroi i tavaraŭ padvojnaha pryznačeńnia, śćviardžajuć u SBU.
— Atrymanyja kontrzaviedkaj SBU źviestki śviedčać ab tym, što hetaja dziejnaść siarod inšaha mieła na mecie arhanizacyju pravakacyj i stvareńnia infarmarmacyjnych padstaŭ dla abvinavačvańniaŭ Ukrainy ŭ nibyta pastaŭkach zbroi dla destabilizacyi ŭnutrypalityčnaj situacyi ŭ Respublicy Biełaruś.
Hramadzianinu Biełarusi vystavili padazreńnie ŭ ździajśnieńni złačynstva, praduhledžanaha č. 1. art. 114 (Špijanaž) Kryminalnaha kodeksa Ukrainy.
Praciahvajucca śledča-apieratyŭnyja dziejańni.
Na apublikavanym SBU videa mužčyna z razmytym tvaram i źmienienym hołasam raspaviadaje, jak paznajomiŭsia z pradstaŭnikom biełaruskich śpiecsłužbaŭ i jakija prośby atrymlivaŭ ad jaho.
