Jak viadoma, Kamitet dziaržkantrolu sumiesna z zacikaŭlenymi viedamstvami pravodzić pravierki ŭ aptečnaj sietcy pa ŭsioj krainie. Vyvučajucca pytańni abhruntavanaści cenaŭ na leki, a taksama zachavańnia patrabavańniaŭ zakanadaŭstva pry ažyćciaŭleńni farmaceŭtyčnaj dziejnasci, piša «Źviazda».
U lutym — pačatku sakavika pravieryli 130 aptek. Akazałasia, što praktyčna paŭsiudna byli pavialičanyja roźničnyja košty na leki, adnak peŭnyja zachady tam prymalisia, naprykład uviadzieńnie skidak abo źnižeńnie handlovych nadbavak.
Pry hetym znajšlisia apteki, uładalniki jakich praihnaravali rekamiendacyi ŭpaŭnavažanych viedamstvaŭ ab abmiežavańni roźničnych cen na leki. U vyniku dziejnaść 25 aptek u Minsku, a taksama pa adnoj u Homieli, Babrujsku i Žodzinie prypynili.
