Fota The Washington Post
Dla ludziej, jakija majuć prablemy sa zrokam, najvialikšaja prablema — navihacyja ŭ hramadskich miescach.
Za apošnija hady źjaviłasia niamała techničnych rašeńniaŭ, kab palehčyć žyćcio tym, chto słaba bačyć. Navukoŭcy ŭžo raspracavali «razumnyja» akulary, jakija dapamahajuć raspaznavać pradmiety, a taksama kii, što dajuć ludziam znak, kali jany nabližajucca da bardziuraŭ.
Siarod apošnich inavacyj — zaplečnik, jaki stvarajuć daśledčyki z Univiersiteta Džordžyi, paviedamlaje The Washington Post. U zaplečniku znachodzicca prahramnaje zabieśpiačeńnie štučnaha intelektu Intel. Jon pryznačany dla taho, kab papiaredžvać uładalnikaŭ, kali jany nabližajucca da piešachodnych pierachodaŭ abo minakoŭ.
Zaplečnik znachodzicca jašče na stadyi raspracoŭki, i mohuć spatrebicca niekalki hadoŭ, pakul jon źjavicca ŭ prodažy. Adnak taki pradukt pakazvaje, što prahres u halinie štučnaha intelektu i mašynnaha navučańnia ŭsio bolš dapamahaje ludziam z drennym zrokam lepš usprymać navakolnaje asiarodździe i, adpaviedna, mieć bolš niezaležnaści.
Źniešnie «razumny» zaplečnik amal nie adroźnivajecca ad zvyčajnaha. Heta prosty šery rukzak ź nievialikim kampjutaram unutry. Zvonku prymacavany GPS pamieram z karabok zapałak. U zaplečniku jość kamiera, jakaja analizuje navakolnaje asiarodździe i papiaredžvaje pra źmieny vyšyni i piešachodnyja pierachody.
Karystalnik atrymlivaje infarmacyju praź biespravadnyja navušniki i moža ŭsłych zapytvać źviestki ab svaim miescaznachodžańni, na što sistema daść adkaz.
