Ilustracyjnaje fota Nadziei Bužan
Paviedamlajecca, što na reabilitacyju mohuć raźličvać i tyja, suprać kaho była zaviedzienaja kryminalnaja abo administracyjnaja sprava z palityčnaj padaplokaj; tyja, chto prajšoŭ praz katavańni i byŭ źbity; tyja, kaho zvolnili ci vyklučyli z vnu za pohlady i pierakanańni; tyja, chto byŭ vypravadžany z krainy, u kaho adabrali biznes.
Adznačajecca, što ŭsie represavanyja buduć całkam adnoŭlenyja ŭ svaich pravach, zmohuć viarnucca ŭ krainu, praciahnuć pracu i vučobu. Achviary režymu atrymajuć materyjalnuju kampiensacyju, im budzie akazanaja jurydyčnaja, psichałahičnaja i miedycynskaja dapamoha. Dla hetaha budzie stvoranaja kamisija, u jakuju ŭvojduć pavažanyja jurysty, ekanamisty, pravaabaroncy i hramadskija dziejačy, a taksama Fond, sfarmavany za košt respublikanskaha biudžetu, mižnarodnaj padtrymki, achviaravańniaŭ hramadzian i biznesu, spahnańniaŭ ź vinavatych u represijach.