«…Nam udałosia zmajstravać dva torciki ŭ kolerach nacyjanalnaha ściaha, — napisaŭ Maksim Viniarski ŭ adnym ź listoŭ na volu. — Vykarystoŭvali dla ich 2 kamplekty biskvitnych karžoŭ, nabytych na «atavarcy», zhuščanku, šakaład, masła. Dla afarmleńnia padyšli zhuščanka i apracavany marmieład čyrvonaha adcieńnia. I z vyhladu, i na smak vyjšła supier — Instagram by abzajzdrościŭsia, ale čaho niama, taho niama…
Nie prachodzić i dnia, kab Viasna i svaboda nie stanavilisia bližejšyja, — piša Viniarski. — Moža, hety šlach i budzie trochi daŭžejšy, čym chaciełasia b, ale ŭpeŭnieny, što vynik niepaźbiežny…»
40-hadovy Maksim Viniarski byŭ zatrymany 22 studzienia — jon chavaŭsia ad siłavikoŭ daŭžej za inšych aktyvistaŭ «Jeŭrapiejskaj Biełarusi», na jakich išło palavańnie. Jaho abvinavačvajuć pa artykule 293 č. 2 Kryminalnaha kodeksa — Udzieł u masavych biesparadkach. Pravaabaroncy ličać abvinavačvańnie nadumanym i palityčnym i pryznali jaho palitviaźniem.
Historyja žyćcia «muškieciora revalucyi» Maksima Viniarskaha: nie ŭjaŭlaŭ žyćcia bieź Biełarusi i adsiedzieŭ na sutkach bolš za paŭtara hoda
Usiaho ŭ Biełarusi na siońnia pravaabaroncam viadomyja 1002 čałavieki, jakija stali fihurantami palityčna matyvavanych kryminalnych spraŭ, 325 ź ich užo pryznanyja palityčnymi źniavolenymi. Z momantu prezidenckaj kampanii ŭ krainie adbyłosia bolš za 34 tysiačy palityčna matyvavanych zatrymańniaŭ. Takoj chvali represij u Jeŭropie nie było ad času «dyktatury čornych pałkoŭnikaŭ» u Hrecyi 1970-ch.
Palitviaźni na siońnia siadziać u dvuch dziasiatkach SIZA, turmaŭ, IK i chimij.
