Aktyvist z Hrodna Stanisłaŭ Cybinski pakinuŭ krainu paśla źbićcia ŭ pačatku sakavika. Da hetaha jaho pieraśledavali na praciahu hoda. U siaredzinie sakavika jon źjechaŭ u Rasiju, dzie jamu zrabili dźvie apieracyi, a ŭ kancy miesiaca jon pierajechaŭ u Polšču, piša Hrodna.life.

«Zrabili apieracyju, vyciahnuli 1 litr i 100 hramaŭ kryvi znutry i vyjavili try złamanyja rebry», — raskazvaŭ Stanisłaŭ Hrodna.life 20 sakavika. Jon raźmiaściŭ na svajoj staroncy UKantakcie dyjahnaz — zakrytaja traŭma hrudziej i levabakovy hidrapnieŭmatoraks (skopišča vadkaści i pavietra abo hazu ŭ pleŭralnaj paražninie). Jaho čakaje miesiac lačeńnia.

Stanisłaŭ Cybinski — aktyvist, vałancior pravaabarončaj arhanizacyi «TajmAkt», jakaja zajmajecca abaronaj pravoŭ źniavolenych i supracoŭnikaŭ kryminalna-vykanaŭčaj sistemy. Arhanizavaŭ supolnaść «Ruka dapamohi i padtrymki».

Pracavaŭ aficyjantam. Kiravaŭ hramadska-infarmacyjnaj placoŭkaj «Biełaruski centr padtrymki». U 2017 hodzie vyjšaŭ na volu paśla 15 hadoŭ źniavoleńnia za zabojstva. Z tych časoŭ dapamahaje inšym asudžanym: kuplaje pradukty, srodki hihijeny, adzieńnie i telefony, znachodzić žyllo i ŭładkoŭvaje na pracu. Tolki za 2020 hod dapamohu ad Stanisłava atrymali kala 70 čałaviek, jakija adbyli pakarańnie. Taksama Stanisłaŭ piša asudžanym dziasiatki listoŭ na tydzień i adpraŭlaje im pasyłki. Fotaspravazdačy aktyvist pakidaje ŭ supołcy UKantakcie.

U sakaviku, kali na pracy daviedalisia ab turemnym minułym Stanisłava, jaho zvolnili. Paźniej jaho źbili nieviadomyja. U lutym doma ŭ Cybinskaha prajšli dva pieratrusy. Aktyvist źviazaŭ heta ź pieratrusami, jakija prachodzili i ŭ inšych biełaruskich pravaabaroncaŭ.

Stanisłaŭ praciahvaje dapamahać byłym viaźniam dystancyjna z dapamohaj vałancioraŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?