Nazvu Biełarusi na litoŭskaj movie mianiać nie treba, takoje rašeńnie pryniała časovaja palityčnaja padkamisija pa movie pry Dziaržaŭnaj kamisii pa litoŭskaj movie, paviedamlaje Delfi.
Na minułym tydni padkamisija razhledzieła prośbu Śviatłany Cichanoŭskaj zamacavać u jakaści aficyjnaj nazvy krainy ŭ litoŭskaj movie Belarusia. Było pryniata rašeńnie nie mianiać nazvu.
«Nazvu Belarusia nie varta ŭchvalać, pakolki jana ŭtvorana nie pa praviłach movy», — skazana ŭ paviedamleńni.
Bolšaja častka kamisii vykazałasia za toje, što ŭ vypadku nieabchodnaści možna razhladać zamienu dziejučaj nazvy nazvaj Gudija (ad gudai).
Cichanoŭskaja ŭ liście da ministra prapanoŭvała litoŭskuju nazvu Biełarusi zamianić na bolš blizkuju formu, adznačajučy, što takoje rašeńnie Litvy vykaža pavahu da suvierenitetu susiedniaj dziaržavy i «padtrymaje moŭnuju i kulturnuju identyčnaść biełarusaŭ».
Ciapier u Litvie dziejničajuć dźvie (tradycyjnyja) nazvy krainy: Baltarusija i Gudija.
