Ab dziŭnych žyroŭkach užo paviedamili žychary Maskoŭskaha, Zavodskaha, Pieršamajskaha rajonaŭ Minska. «Mify pra BČB» ubačyli jak na papiarovych rachunkach, tak i na płaciežkach, jakija prychodziać na elektronnuju poštu. U jakaści arhanizacyi, jakaja naličvaje apłatu za žyllova-kamunalnyja pasłuhi, pakazany adziny raźlikova-daviedačny centr Minska Centra infarmacyjnych technałohij Minharvykankama.
Na abarocie płaciežak, akramia infarmacyi ab tym, jak azielanić dvor, jość niekalki abzacaŭ ab bieł-čyrvona-biełym ściahu.
Jany majuć zahałoŭki: «Uvaha! Nie dajcie siabie padmanuć! Mify pra bčb-ściah».
Mifami nazyvajuć toje, što ŭ bieł-čyrvona-biełaha ściaha hłybokija histaryčnyja karani i hieraičnaja historyja.
«Da padziej 1917 hoda taki elemient nacyjanalnaj simvoliki adsutničaŭ. Tamu zapomnicie: śćviardžeńni ab nibyta staražytnym pachodžańni bčb-ściaha — naviazany biełarusam i kamu-to vyhadny psieŭdahistaryčny mif», — napisana ŭ žyroŭcy.
«BČB — heta ściah zdradnikaŭ i kataŭ svajho naroda, — skazana ŭ płaciežcy. — Zdradniki z bčb-našyŭkami palili Chatyń, Azaryčy, Ołu i jašče tysiačy biełaruskich viosak. Niazmyŭnym praklonam i hańbaj zastaniecca na bčb-ściahu kroŭ ni ŭ čym nie vinavatych žančyn, starych i dziaciej».
