10 krasavika ŭ pabliku «incydent Rubcoŭsk» «UKantakcie» napisali, što dziaŭčyncy stała drenna prykładna praz hadzinu paśla sustrečy z zavučam jaje liceja. Piedahoh nibyta vyklikała jaje razam z maci i «nasvaryłasia za rolik u ciktoku». «Z kabinieta abiedźvie [maci i dačka] vyjšli ŭ ślazach», i dziaŭčynka mahła ździejśnić samahubstva».
Ałtajskaje vydańnie «Tołk» i telekanał «360» sa spasyłkaj na susiedku siamji pamierłaha dziciaci paviedamili, što ŭ dzień śmierci dziaŭčynku sapraŭdy vyklikali da zavuča — z-za taho, što jana źniała na telefon, jak chłopčyk vyciraje sa štanoŭ karektar, a inšaje dzicia vykłała heta ŭ ciktok.
«Dzieciam patłumačyli, što nielha zdymać inšych i biez zhody vykładvać roliki ŭ Internet. Ale mama zabirała dačku, dziaŭčynka płakała. Jana na jaje nie svaryłasia, pasprabavała ŭsio pieravieści ŭ žart. Kab padniać nastroj, paviezła jaje ŭ kramu — kupiła cacku i viasnovuju kurtku. Dadomu viarnulisia zadavolenyja», — cytuje susiedku «Tołk».
Pavodle jaje słoŭ, uviečary taho ž dnia maci znajšła dačku na padłozie. Paźniej vyśvietliłasia, što niezadoŭha da hetaha dziaŭčynka napisała siabroŭcy, što ŭ jaje «raspłyvajecca i balić u vačach». Pryčyna śmierci nieviadomaja. Dzicia było zdarovaje, śćviardžaje susiedka.
