Fota Depositphotos.com
Heta pieršy pracesar Nvidia dla data-centraŭ.
Kampanija zajaviła, što čyp Grace budzie pracavać u 10 razoŭ chutčej, čym tyja, jakija isnujuć na siońniašni dzień, paviedamlaje The Wall Street Journal.
Nvidia viadomaja svaimi chutkimi pracesarami, jakija vykarystoŭvajucca ŭ abstalavańni dla videahulniaŭ. Ciapier kampanija źbirajecca dałučycca da rynku čypaŭ dla centraŭ apracoŭki dadzienych, dzie doŭhi čas daminuje karparacyja Intel z dolaj bolš za 90%.
Kampanija adznačaje, što novy čyp budzie apracoŭvać vyličeńni, dzie patrabujecca chutki analiz vializnych naboraŭ źviestak — praces, jaki patrabuje vysokaj pradukcyjnaści i masiŭnaj pamiaci. Taki pracesar možna budzie vykarystoŭvać dla apracoŭki movy i raźvićcia štučnaha intelektu.
Novy čyp płanujecca vypuścić da 2023 hoda.
