U Minskim haradskim sudzie 20 krasavika adbyvajucca sudovyja sprečki pa kryminalnaj spravy suprać 25-hadovaha inžyniera BNTU Cichana Osipava. Jaho abvinavačvajuć adrazu pa troch artykułach Kryminalnaha kodeksa: zamachu na zabojstva vajskoŭcaŭ (č.1 art. 14 i 362), udziele ŭ masavych biesparadkach (č. 2 art. 293), zahadzia iłžyvym danosie (č. 1 art. 400). Pa viersii abvinavačvańnia, u noč z 10 na 11 žniŭnia chłopiec udzielničaŭ u akcyjach pratestu, najechaŭ na BMW na piaciarych vajskoŭcaŭ, paśla čaho utapiŭ svoj aŭtamabil u vadajomie i zajaviŭ u milicyju ab kradziažy. Vinu Osipaŭ pryznaŭ tolki pa č. 1 art. 400 KK (zahadzia iłžyvym danosie), pa druhich artykułach — całkam nie pryznaŭ. Na sudzie jon kazaŭ, što ŭ jaho nie było namieru zabojstva, jon tady spałochaŭsia, ubačyŭšy jak siłaviki raźbivajuć mašyny i vyciahvajuć adtul kiroŭcaŭ, tamu jon i źjechaŭ, vypadkova začapiŭšy vajskoŭcaŭ. Pa słovach chłopca, pakul jon jechaŭ, siłaviki raźbili jamu zadniaje pravaje škło, supracoŭnik źleva nakiroŭvaŭ zbroju ŭ bok jaho aŭtamabila, tady jon pryhnuŭsia i ŭžo nie kantralavaŭ darožnuju situacyju, ale čuŭ, jak pa mašynie z usich bakoŭ bjuć dubinkami, paviedamlajuć pravaabaroncy.
Pry hetym, dziaržabvinavaŭca Anton Ciumiencaŭ ličyć, što vina Cichana całkam dakazanaja i prosić sud pakarać chłopca dvanaccaćciu hadami kałonii va ŭmovach uzmocnienaha režymu.
Sprava razhladajecca pad staršynstvam sudździ Dźmitryja Cykała.
Čytajcie taksama:
Pačaŭsia sud pa spravie ab najeździe BMW na siłavikoŭ 11 žniŭnia. Kiroŭcu pahražaje da 25 hadoŭ turmy
