Biełaruś nie admaŭlajecca ad płanaŭ nakiravać svajho pasła ŭ ZŠA, u ciapierašni čas zaviaršajecca padbor kandydatury na hetuju pasadu. Pra heta zajaviŭ žurnalistam u piatnicu ministr zamiežnych spraŭ Uładzimir Makiej, piša TASS.
«Pytańnie [adpraŭki pasła] nie zdymajecca, my znachodzimsia ŭ kantakcie z kalehami. Zaraz my zaviaršajem praceduru pošuku adpaviednaj kandydatury na hetuju pasadu. Heta dosyć składana. Składana znajści čałavieka, jaki viedaŭ by hetuju krainu i zmoh by efiektyŭna pracavać tam», — adznačyŭ kiraŭnik MZS.
