U Minsku praciahvajecca sud nad fihurantami tak zvanaj «spravy studentaŭ». Pa joj prachodzić dvanaccać čałaviek, jakija znachodziacca ŭ SIZA ŭžo bolš za šeść miesiacaŭ, nahadvaje «Novy čas».
Spravu razhladaje sudździa suda Savieckaha rajona Maryna Fiodarava. Usich palitźniavolenych vinavaciać pa č. 2 art. 17 («złačynstva, ździejśnienaja hrupaj asob pa papiaredniaj zmovie») i č. 1 art. 342 Kryminalnaha kodeksa («aktyŭny ŭdzieł u hrupavych dziejańniach, što hruba parušajuć hramadski paradak»), im pahražaje da troch hadoŭ pazbaŭleńnia voli.
Siońnia, jak i raniej, tudy puścili tolki pa dva rodzičy kožnaha z zatrymanych.
Siońnia fihurantam skončyli čytać abvinavačańni. Potym u padsudnych spytali, ci pryznaje chtości ź ich vinu.
Vykładčyca Volha Fiłatčankava, studentki Kasia Budźko, Jana Arabiejka i Ksienija Syramałot skazali, što nie razumiejuć, u čym kankretna abvinavačvajucca i admaŭlajucca pryznavać vinu. Astatnija fihuranty prosta skazali, što vinu nie pryznajuć.
Z usich abvinavačanych vinu pa č.1 art. 342 pryznaŭ tolki student MDŁU Hleb Ficnier.
Paśla hetaha ŭ sudzie pačałosia apytańnie śviedak.
Chto hetyja 12 čałaviek, jakija prachodziać pa spravie?
- Ksienija Syramałot, stabalnica, studentka fakulteta fiłasofii i sacyjalnych navuk BDU;
- Maryja Kalenik, studentka fakulteta ekspazicyjnaha dyzajnu Biełaruskaj dziaržaŭnaj akademii mastactvaŭ;
- Nastaśsia Bułybienka, adličanaja studentka mašynabudaŭničaha fakulteta BNTU;
- Viktoryja Hrankoŭskaja, adličanaja studentka architekturnaha fakulteta BNTU;
- Illa Trachtenbierh, druhakurśnik miechanika-matematyčnaha fakulteta BDU, udzielnik «Što? Dzie? Kali?»;
- Hleb Ficnier, čaćvierakurśnik fakulteta mižkulturnych kamunikacyj MDŁU;
- Jahor Kaniecki, piacikurśnik bijałahičnaha fakulteta BDU, aktyvist Volnaha prafsajuza;
- Kasia Budźko, studentka fakulteta estetyčnaj adukacyi BDPU, prychilnica Zadzinočańnia biełaruskich studentaŭ;
- Jana Arabiejka, studentka fakulteta estetyčnaj adukacyi BDPU, prychilnica Zadzinočańnia biełaruskich studentaŭ;
- Taćciana Jakielčyk, studentka miechanika-matematyčnaha fakulteta BDU;
- Ałana Hiebramaryjam, uvachodziła ŭ asnoŭny skład Kaardynacyjnaj rady, aktyvistka Moładzievaha błoku;
- Volha Fiłatčankava, vykładčyca BDUIRa.