«A 17:00 budzie sud. Zabrali jaho prosta z domu. Rečy zastalisia. Ja nie zdoleła datelefanavacca, viarnułasia i zrazumieła. Patelefanavała ŭ Leninskaje RUUS, i mnie paviedamili, što jon u ich. I budzie nakiravany na Akreścina».
Praces nad zatrymanym adbudziecca ŭ sudzie Leninskaha rajonu Minsku. U čym vinavaciać mužčynu, žonka pakul nie viedaje.
Dźmitryj Kułakoŭski pracavaŭ u milicyi z 2006 hoda, uznačalvaŭ kryminalny vyšuk u Zavodskim RUUS Minsku. Maje prafiesijnyja ŭznaharody i padziaki ad kiraŭnictva. Paśla vybaraŭ 2020 hoda zajaviŭ, što nie zhodny ź dziejańniami ŭłady, i zvolniŭsia.
Pieršy raz jaho zatrymali niedaloka ad domu. Za «niepadparadkavańnie» jamu dali 12 sutak aryštu pavodle art. 23.4 KaAP. Na znak pratestu Dźmitryj prahłynuŭ čatyry mietaličnyja pradmiety. Zatym na jaho skłali novy pratakoł, znoŭ za «niepadparadkavańnie», i dali ŭžo 15 sutak.
4 śniežnia Kułakoŭski sprabavaŭ pakinuć Biełaruś, ale byŭ zatrymany na miažy i dastaŭleny ŭ izalatar. Pieraviedzieny ŭ SIZA Žodzina ŭ jakaści padazravanaha ŭ kryminalnaj spravie pavodle art. 369 KK. Jaho abvinavacili ŭ abrazie pradstaŭnika ŭłady.
22 studzienia 2021 hoda byłoha milicyjanta asudzili na 2 hady abmiežavańnia voli z nakiravańniem u papraŭčuju ŭstanovu. Vyzvalili ŭ zale suda da apielacyi.
«U znak pratestu prahłynuŭ mietaličnyja pradmiety». Eks-načalnik kryminalnaha vyšuku apynuŭsia ŭ karcary na Akreścina
Na byłoha milicyjaniera, jaki zajaŭlaŭ pra katavańni na Akreścina, zaviali kryminalnuju spravu i zatrymali
«Prymušali pryznacca, što pradavaŭ infarmacyju pra milicyjanieraŭ». Sudziać byłoha načalnika kryminalnaha vyšuku
