Pra heta lenta.ru zajaviŭ namieśnik kiraŭnika Palitbiuro paleścinskaha ruchu Musa Abu Marzuk.
«Heta aburalna i demanstruje archaičnaje myśleńnie [biełaruskaha ŭrada], jaki nie razumieje, što ciapier my žyviom u stahodździ svabodnych ŚMI i što isnuje mižnarodnaje hramadskaje mierkavańnie, jakoje bolš nie prymaje padobnyja mietady», — zajaviŭ Abu Marzuk.
U toj ža čas CHAMAS admovilisia aceńvać samu situacyju vakoł zatrymańnia Pratasieviča, zajaviŭšy, što «nie abaviazanyja zajmać pazicyju va ŭsim tym, što adbyvajecca ŭ śviecie», bo ŭ pieršuju čarhu zaniatyja baraćboj z «izrailskaj akupacyjaj». «Ale, viadoma, my ŭ cełym suprać niespraviadlivaści, pieraśledu, zamachaŭ na svabody i parušeńni zakona», — adznačyŭ Abu Marzuk.
23 maja samalot avijakampanii Ryanair, jaki ruchaŭsia pa maršrucie Afiny — Vilnia, ździejśniŭ ekstrannuju pasadku ŭ Minsku. Paśla pasadki byŭ zatrymany Raman Pratasievič, jaki byŭ na borcie.
Źviestki ab vybuchovaj pryładzie na borcie nie paćvierdzilisia. Paźniej biełaruski bok zajaviŭ, što infarmacyja ab miniravańni pryjšła ad imia CHAMAS. Aficyjny pradstaŭnik ruchu Faŭzi Barchum abvierhnuŭ dačynieńnie CHAMAS da pahroz uzarvać samalot.
