«U suviazi ź nieabchodnaściu pryniaćcia mier pa minimizacyi ŭpłyvu suśvietnaha ekanamičnaha kryzisu na ekanomiku krainy, farmiravańnia dadatkovych finansavych resursaŭ z 1 lipienia pa 31 śniežnia 2009 hoda pavialičvajucca staŭki akcyzaŭ na ałkaholnuju i tytuniovuju pradukcyju ŭ pamierach, što da 15% pieravyšajuć adpaviednyja dziejnyja staŭki akcyzaŭ»,
— paviedamiła pres‑słužba prezidenta ŭ suviazi z padpisańniem 25 červienia ŭkaza № 332 «Ab asobnych pytańniach upłaty akcyzaŭ i ab uniasieńni źmianieńniaŭ i dapaŭnieńniaŭ va ŭkaz prezidenta Respubliki Biełaruś ad 29 śniežnia 2008 h. № 709».
Pavieličeńnie stavak akcyzaŭ «dazvolić dadatkova pryciahnuć u biudžet respubliki ŭ 2009 hodzie 85 młrd. rubloŭ», adznačajecca ŭ paviedamleńni.
Na pieryjad z 1 lipienia pa 31 śniežnia 2009 hoda vyzvalajucca ad upłaty akcyzaŭ, jakija źbirajucca pry ŭvozie na mytnuju terytoryju Respubliki Biełaruś, kańjaki, raźlityja ŭ taru jomistaściu bolš za dva litry, što nie adnosicca da spažyvieckaj. Heta miera «dazvolić arhanizacyjam, jakija vyrablajuć kańjaki i realizujuć vyklučnaje prava dziaržavy na ažyćciaŭleńnie impartu ałkaholnaj pradukcyi, upłačvać akcyzy pa miery realizacyi imi hatovych (butylavanych) napojaŭ, što istotna skarocić ich dadatkovyja raschody na atrymańnie i absłuhoŭvańnie kredytaŭ, nieabchodnych dla praviadzieńnia papiarednich (da momantu prodažu pradukcyi) padatkovych płaciažoŭ».
Uviedzieny novyja pazicyi padakcyznaj pradukcyi: «Inšaje paliva, jakoje vykarystoŭvajecca ŭ jakaści aŭtamabilnaha: haz vuhlevadarodny zvadkavany» i «Inšaje paliva, jakoje vykarystoŭvajecca ŭ jakaści aŭtamabilnaha: haz pryrodny paliŭny kamprymiravany». Płacielščykami akcyzaŭ stanuć arhanizacyi i indyvidualnyja pradprymalniki pry realizacyi (vodpusku) hazu dla zapraŭki transpartnych srodkaŭ (uklučajučy ŭłasnyja transpartnyja srodki) praź sietku aŭtazapravačnych stancyj, u tym liku z vykarystańniem paliŭna‑razdatačnych i inšych anałahičnych pryładaŭ.
Pry hetym upłata akcyzaŭ pry ŭvozie hetaha hazu na mytnuju terytoryju krainy nie praduhledžvajecca.
Staŭki akcyzaŭ na vuhlevadarodny zvadkavany haz i na pryrodny paliŭny kamprymiravany haz, jaki vykarystoŭvajecca ŭ jakaści aŭtamabilnaha paliva, ustalavany ŭ pamiery 208.400 rubloŭ za adnu tonu, ci za 1.000 kubamietraŭ. Pry hetym udzielnaja vaha akcyzaŭ ŭ roźničnym košcie hazu praduhledžana na ŭzroŭni 17% — u 1,4—2 razy nižejšym za ŭdzielnuju vahu akcyzaŭ u cenach realizacyi inšych vidaŭ paliva (24—34%).
«Ustanaŭleńnie stavak akcyzaŭ na ścisnuty i zvadkavany haz dazvolić dadatkova pryciahnuć u biudžet respubliki ŭ 2009 hodzie 13 młrd. rubloŭ», — adznačajecca ŭ paviedamleńni.
Ukaz nabyvaje moc 1 lipienia.
