Pra heta zajaviŭ aficyjny pradstaŭnik Fiederalnaha Ofisa pa mižnarodnych spravach (MZS) Šviejcaryi Pjer-Ałan Eltšynhier, piša RBK.
«Ułady Šviejcaryi nie viedali pra pahrozu bomby na borcie rejsa Ryanair z Afin u Vilniu. Takim čynam, paviedamleńniaŭ ad šviejcarskich uładaŭ uładam Biełarusi pra heta nie było», — zajaviŭ jon.
Raniej, vystupajučy pierad členami parłamienta i pradstaŭnikami orhanaŭ ułady, Alaksandr Łukašenka zajaviŭ, što paviedamleńnie ab miniravańni samalota avijakampanii Ryanair pastupiła sa Šviejcaryi.
U paniadziełak Departamient avijacyi raspavioŭ, što list pra bombu pryjšoŭ «z elektronnaj pošty protonmail.com». ProtonMail-servis abaronienaj elektronnaj pošty. Sierviery i štab-kvatera kampanii znachodziacca ŭ Šviejcaryi.
Dev.by vykazaŭ mierkavańnie, što šviejcarski «śled» u historyi z paviedamleńniem ab miniravańni ŭźnik z-za miesca «prapiski» paštovaha servisu.
