Ukazam prezidenta ad 25 červienia № 335 źmienieny paradak rehistracyi i praviadzieńnia rekłamnych hulniaŭ.
«Dakumient pryniaty ŭ metach abarony pravoŭ udzielnikaŭ rekłamnych hulniaŭ, udaskanaleńnia zakanadaŭstva ab takich hulniach i praduhledžvaje vykład u novaj redakcyi Pałažeńnia ab praviadzieńni rekłamnych hulniaŭ na terytoryi Respubliki Biełaruś», — adznačajecca ŭ paviedamleńni pres-słužby biełaruskaha kiraŭnika.
Arhanizataram rekłamnaj hulni moža być arhanizacyja ci indyvidualny pradprymalnik, jakija zarehistravany ŭ Biełarusi, ažyćciaŭlajuć dziejnaść pa vytvorčaści i (ci) realizacyi tavaraŭ (rabot, pasłuh) ci akazvajuć pasłuhi pa arhanizacyi i praviadzieńni rekłamnych hulniaŭ na padstavie dahavora, a taksama pradstaŭnictva zamiežnaj arhanizacyi.
Dziaržaŭnaj rehistracyi buduć padlahać tolki praviły praviadzieńnia rekłamnaj hulni (vyklučana rehistracyja składu i pamieru pryzavoha fondu i paradku jaho farmiravańnia, składu kamisii pa jaje praviadzieńni). Akramia taho, z 30 da 15 dzion skaročany terminy pryniaćcia rašeńnia ab dziaržaŭnaj rehistracyi rekłamnaj hulni.
Ukazam zamacoŭvajecca mahčymaść admovy ŭ rehistracyi rekłamnaj hulni pry najaŭnaści dvuch i bolš parušeńniaŭ, jakija dapuščany arhanizataram pry praviadzieńni rekłamnych hulniaŭ na praciahu hoda, a
taksama ŭvodzicca zabarona na praviadzieńnie rekłamnych hulniaŭ z metaj stymulavańnia azartnych hulniaŭ, realizacyi ałkaholnych, słabaałkaholnych napojaŭ, piva, tytuniovych vyrabaŭ, lekavych srodkaŭ.
Ustanaŭleńnie takich abmiežavańniaŭ «źviazana ź nieabchodnaściu abarony pravoŭ hramadzian i realizacyjaj dziaržaŭnaj palityki pa farmiravańni zdarovaha ładu žyćcia i baraćbie sa škodnymi zvyčkami, jakija akazvajuć upłyŭ na stan zdaroŭja nasielnictva i jaho dabrabyt».
Abmiažoŭvajecca praviadzieńnie rekłamnych hulniaŭ ŭ vyhladzie adkazaŭ na pytańni i (ci) vykanańnia inšych zadańniaŭ, nie źviazanych z nabyćciom tavaraŭ (rabot, pasłuh), i ŭ vyhladzie elektronnych, kampjuternych hulniaŭ z vykarystańniem srodkaŭ i sietak elektrasuviazi.
Kab paźbiehnuć złoŭžyvańniaŭ pry praviadzieńni rozyhryšaŭ pryzavoha fondu z dapamohaj prahramnych, prahramna-aparatnych i aparatnych srodkaŭ ustanoŭlena zabarona na ich vykarystańnie. Rozyhryš pryzavoha fondu rekłamnaj hulni pavinien pravodzicca adkryta z mahčymaściu prysutnaści na im udzielnikaŭ rekłamnaj hulni.
Novaje pałažeńnie ab praviadzieńni rekłamnych hulniaŭ ustupić u siłu praz try miesiacy paśla aficyjnaha apublikavańnia ŭkaza.
Rekłamnyja hulni, praviadzieńnie jakich raspačata da ŭstupleńnia ŭkaza ŭ siłu, zaviaršajucca pa raniej dziejnych praviłach.
