TASS
Jon adznačyŭ, što na zachodnim stratehičnym kirunku praciahvaje raści vajennaja pahroza — krainy NATA na čale sa Złučanymi Štatami naroščvajuć intensiŭnaść palotaŭ svajoj stratehičnaj avijacyi, prysutnaść bajavych karabloŭ z kryłatymi rakietami, raście kolkaść ich vučeńniaŭ, piša TASS.
«Dziejańni našych zachodnich kalehaŭ rujnujuć sistemu biaśpieki ŭ śviecie i vymušajuć nas pryniać miery adekvatnaha procidziejańnia. My pastajanna ŭdaskanalvajem bajavy skład vojskaŭ. Da kanca hoda ŭ Zachodniaj vajennaj akruzie budzie sfarmavana kala 20 złučeńniaŭ i voinskich častak», — skazaŭ ministr abarony.
Jon udakładniŭ, što hetyja arhanizacyjnyja mierapryjemstvy «sinchranizavanyja z pastaŭkaj sučasnaha ŭzbrajeńnia i vajennaj techniki». «U hetym hodzie ŭ vojski akruhi płanujecca pastavić kala 2 tysiač adzinak zbroi», — adznačyŭ Šajhu.
Zachodniaja vajskovaja akruha ŭ Rasii ŭklučaje terytoryju bolš čym 20 abłaściej: ad Karelii na poŭnačy da Kurskaj i Biełaharodskaj na poŭdni, Nižaharodskaj i Kastramskoj na ŭschodzie ZVA, u jaje ŭvachodziać, naturalna, i vobłaści, što miažujuć ź Biełaruśsiu.