Fota wikimedia.org
Z suboty 5 červienia Jeŭrasajuz aficyjna zakryŭ dla ŭsich biełaruskich samalotaŭ pavietranuju prastoru i aeraporty JEZ. Padstavaj dla ŭviadzieńnia žorstkich abmiežavalnych mier stała prymusovaja pasadka ŭ Minsku samalota Ryanair, jaki lacieŭ z Afin u Vilniu, i zatrymańnie Ramana Pratasieviča i Safii Sapieha.
Sikorski namiaknuŭ na praduziataść jeŭrapiejcaŭ.
— Čamu było dva listy? Tamu što, kali b my nie zreahavali choć by na adzin, reakcyja była b dakładna takaja ž. Tolki nas abvinavacili b u tym, što my nie vykonvajem patrabavańni avijacyjnaj biaśpieki. A heta było b značna horš. Nas ciapier vinavaciać u tym, što my prafiesijna vykonvali svaju pracu. Kali była pravierka ICAO (Mižnarodnaja arhanizacyja hramadzianskaj avijacyi), Biełaruś atrymała acenku 100, — zajaviŭ kiraŭnik departamienta avijacyi Mintransa.
Arciom Sikorski nazvaŭ pryniatyja Jeŭrasajuzam rašeńni «nieprafiesijnymi», a sankcyi — «rejdarskim zachopam» rynku.
— Idzie praces zadušvańnia. Na samaj spravie, nasupierak usim mižnarodnym dakumientam, na padstavie fejkavaj naviny prymajucca takija nieprafiesijnyja rašeńni. Hetyja sankcyi — faktyčna rejdarski zachop rynku i biznesu. Avijakampanija nie ŭdzielničała ŭ hetych padziejach. Što dyśpietčar nie pavinien byŭ adreahavać pa zakonie? Śpiecyjalisty pa avijacyjnaj biaśpiecy nie pavinny byli adreahavać pa zakonie? U nas ciapier niekalki važnych kirunkaŭ pracy. Uzajemadziejańnie ź mižnarodnymi arhanizacyjami, kab vykryć fejki, — skazaŭ Sikorski.
