Novaja mastackaja halereja adkryłasia ŭ ofisie Banka Dabrabyt na Pieramožcaŭ, 3. U joj buduć vystaŭlacca raboty jak užo viadomych biełaruskich mastakoŭ, tak i tych, chto tolki pačynaje svoj tvorčy šlach. Mianiać ekspazicyju płanujecca kožnyja 2 miesiacy. Uvachod na vystavu — volny.
U najbližejšyja paru miesiacaŭ naviedvalniki zmohuć aznajomicca z rabotami mastaka-hrafika Andreja Basałyhi. Dla jaho charakterny ŭłasny mastacki styl, vypracavany ŭ dyjałohu pamiž tradycyjnym mastactvam i avanhardam XX stahodździa. Aŭtar imkniecca spałučać u kožnym svaim tvory płasty estetyčnaha, emacyjnaha, intelektualnaha i kanstruktyŭnaha sensaŭ.
Usiaho ŭ voknach adździaleńnia raźmiaščajecca 20 karcin, pałova ź jakich paviernutaja vyjavaj unutr, a pałova — vonki. Tamu častka ekspazicyi budzie bačnaja minakam. U ciomny čas sutak praduhledžana dadatkovaja padśviatleńnie rabot.
Vystava adkryta dla naviedvańnia padčas pracy ofisa: z paniadziełka pa piatnicu z 9:00 da 20:00 i ŭ subotu z 10:00 da 18:00. Paśla zakryćcia adździaleńnia prahlad ekspazicyi dastupny tolki zvonku budynka. Usie pradstaŭlenyja na vystavie karciny možna kupić.
