Fota Nadziei Bužan
Indyjski štam raspaŭsiudziŭsia pa ŭsim śviecie i stanovicca daminujučym varyjantam u niekatorych krainach. Zhodna sa statystykaj, jakuju pryvodzić sajt worldometers.info, usie krainy ź nizkim uzroŭniem vakcynacyi, dzie raspaŭsiudziŭsia varyjant «Delta», apošni čas prachodziać praz mocnuju chvalu śmiarotnaść.
U Rasii, dzie całkam vakcynavana 11,9% nasielnictva, dva dni zapar fiksujecca bolš za 600 śmiarotnych vypadkaŭ ad karanavirusa. U Indyi za ŭčora — 819 śmierciaŭ ad kavidu, u Indaniezii — 463, u Brazilii — 1917.
U krainach z vysokim uzroŭniem vakcynacyi «Delta» vylikaŭ rost zaražeńnia, ale śmiarotnaść pry hetym zastajecca nizkaj. U Partuhalii, dzie poŭnuju vakcynacyju prajšli bolš za 32% nasielnictva, za ŭčarašni dzień zafiksavana 6 śmierciaŭ, u Izraili z nasielnictvam, vakcynavanym na 57%, za dva dni nie zafiksavana nivodnaha śmiarotnaha vypadku ad karanavirusa.
29 červienia i ŭ Rasii, i ŭ Vialikabrytanii kolkaść vypadkaŭ zaražeńnia była bolšaj za 20 tysiač čałaviek. Adnak u Rasii za dzień ad kavidu pamierli 652 čałavieki, a ŭ Vialikabrytanii — 23.
