Kibierataka na vytvorcu prahramnaha zabieśpiačeńnia Kaseya, čyj soft vykarystała bujnaja šviedskaja sietka supiermarkietaŭ Coop Sweden, a taksama mnostva pradpryjemstvaŭ u śfiery małoha i siaredniaha biznesu pa ŭsim śviecie, mahła zakranuć tysiačy kampjutaraŭ u Hiermanii. Takuju acenku vykazali ŭ niadzielu, 4 lipienia, ekśpierty Fiederalnaha viedamstva pa biaśpiecy ŭ śfiery infarmacyjnaj techniki (BSI).

«Adna kampanija, jakaja akazvaje pasłuhi ŭ śfiery IT, užo paviedamiła ab tym, što padvierhnułasia napadu», — skazaŭ pradstaŭnik BSI ahienctvu Reuters, adznačyŭšy, što klijentami vyšejzhadanaj kampanii źjaŭlalisia tysiačy firmaŭ, jakija ŭ vyniku taksama mahli paciarpieć ad chakierskaha ŭzłomu.

U BSI miarkujuć, što ŭ paniadziełak, 5 lipienia, im mohuć pačać pastupać paviedamleńni ad zakranutych kibieratakaj kampanij, jakija nie zaŭvažyli ŭzłomu ich sistem da pačatku pracoŭnaha tydnia. Sprava ŭ tym, što tolki pradpryjemstvy, jakija pracujuć u krytyčnych dla infrastruktury krainy halinach, takich jak enierhazabieśpiačeńnie, pa zakonie abaviazanyja paviedamlać ab učynienych suprać ich chakierskich napadach.

Raniej paviedamlałasia, što ŭ vyniku hetaj chakierskaj ataki na kampaniju Kaseya paciarpieli 200 firmaŭ u ZŠA.

Pry hetym vypadkaŭ naniasieńnia jakoj-niebudź kampanii takoha maštabnaha ŭronu, jak sietcy supiermarkietaŭ Coop u Šviecyi, vymušanaj časova zakryć usie 800 filijałaŭ, u Hiermanii pakul zafiksavana nie było, paviedamili ŭ BSI.

Ab uzłomie prahramnaha zabieśpiačeńnia VSA kampanii Kaseya, u vyniku jakoha mahli paciarpieć tysiačy pradpryjemstvaŭ pa ŭsim śviecie, stała viadoma ŭviečary 2 lipienia. Na nastupny dzień, 3 lipienia, infarmahienctva Bloomberg paviedamiła sa spasyłkaj na kampaniju Huntress Labs Inc., jakaja śpiecyjalizujecca na zabieśpiačeńni kampjutarnaj biaśpieki, što za hłabalnaj chakierskaj atakaj moža stajać hrupoŭka z Rasii pad nazvaj REvil.

Na dadzieny momant ekśpierty miarkujuć, što złamyśnikaŭ cikaviŭ tolki vykup za adnaŭleńnie pracy sistem, a nie asabistyja danyja klijentaŭ zakranutych kampanij.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?