Kaleśnikavaj i Znaku staviać u vinu złačynstvy pa troch artykułach Kryminalnaha kodeksa:
— č. 1 art. 357 — zmova abo inšyja dziejańni, učynienyja z metaj zachopu ci ŭtrymańnia dziaržaŭnaj ułady niekanstytucyjnym šlacham (da 12 hadoŭ pazbaŭleńnia voli),
— č. 3 art. 361 — zakliki da dziejańniaŭ, skiravanych na pryčynieńnie škody nacyjanalnaj biaśpiecy (da 5 hadoŭ pazbaŭleńnia voli),
— č. 1 art. 361-1 — stvareńnie ekstremisckaha farmiravańnia albo kiraŭnictva im (da 7 hadoŭ pazbaŭleńnia voli).
«Abvinavačanyja sumiesna ź inšymi asobami nie paźniej za 16 lipienia 2020 hoda ŭstupili ŭ tajemnuju zmovu z metaj zachopu dziaržaŭnaj ułady niekanstytucyjnym šlacham. Zhodna z płanam jany ŭ roznych miescach, abviaściŭšy i pazicyjanujučy siabie pradstaŭnikami pieravažnaj bolšaści hramadzian Biełarusi, rychtavali i publična ahučvali zajavy pra pieramohu na vybarach kandydata Cichanoŭskaj, pra stratu narodam Biełarusi davieru da orhanaŭ ułady i kiravańnia, pra słabaść dziejnaj ułady», — paviedamlała raniej Hienprakuratura.
Znak i Kaleśnikavu zatrymali ŭ pačatku vieraśnia 2020 hoda. Maksim byŭ zatrymany ŭ ofisie Babaryki, a Maryju sprabavali vyvieźci va Ukrainu, ale jana admoviłasia pakinuć krainu.
