Śviet znachodzicca na rańnich stadyjach treciaj chvali karanavirusnaj infiekcyi, zajaviŭ hiendyrektar Suśvietnaj arhanizacyi achovy zdaroŭja Tedras Adanam Hiebreisus.
Pavodle jaho źviestak, kolkaść novych vypadkaŭ COVID-19 va ŭsim śviecie raście čaćviorty tydzień zapar, a taksama paśla 10 tydniaŭ źnižeńnia znoŭ stała pavialičvacca kolkaść śmierciaŭ ad virusa.
«Varyjant delta prysutničaje ciapier u 111 krainach, i my čakajem, što nieŭzabavie jon stanie daminujučym štamam va ŭsim śviecie, kali jašče nie staŭ», — skazaŭ kiraŭnik SAAZ.
Hiebreisus taksama paskardziŭsia na «šakujučuju dyspraporcyju ŭ hłabalnym raźmierkavańni vakcyn», z-za čaho bolšaja častka nasielnictva śvietu zastajecca ŭraźlivaj da infiekcyi.
«Ja zaklikaŭ da masavaj vakcynacyi jak minimum 10% nasielnictva kožnaj krainy da vieraśnia, jak minimum 40% da kanca hetaha hoda i jak minimum 70% da siaredziny nastupnaha hoda. Dla dasiahnieńnia hetych metaŭ nam treba 11 miljardaŭ doz vakcyny», — paviedamiŭ kiraŭnik SAAZ.
