«Moža, nam varta z usioj pavahaj sabrać usie hetyja astanki sałdat viermachta i adpravić ich tavarnym vahonam na radzimu dziaduli Hitlera? Im tam miascovyja nieanacysty na mahiłach svastyki malavać stanuć, i ŭsie buduć zadavolenyja», — prapanuje Cierach.
Na dumku kałumnista, nacysty prynieśli biełarusam tolki hora i śmierć, ale pachavanyja tut.
«Jak pa mnie, ich adpačynak niekalki zaciahnuŭsia. Dy i ziamla nakštałt jak nie biaspłatnaja, a tak vychodzić, što jany jaje kavałačak ŭsio ž zachapili».
Taksama Cierach prapanuje viarnuć na Radzimu biełarusaŭ, jakija pachavanyja za miažoj.
Čym Cierach abhruntoŭvaje svaju pazicyju?
Na jaho dumku, naščadki nacystaŭ, «jakija tak i nie zmahli pryniać parazu, praciahvajuć tuju vajnu».
«Zaraz vajna idzie praz sankcyi, padrychtoŭku ekstremistaŭ, raschistvańnie hramadstva, sproby zadušyć krainu biez farmalnaha abjaŭleńnia vajny. Pamianiałasia tolki forma, ale nie źmiest».
Taksama kałumnist SB miarkuje, što niemcy nie sočać za pachavańniami savieckich sałdat.
Praca pa pierapachavańni sałdat Vierchmata viadziecca z pačatku nulavych hadoŭ. Hetym zajmajecca «Narodny sajuz Hiermanii pa dohladzie za vajennymi pachavańniami», jaki, u tym liku, supracoŭničaje z 52-m asobnym śpiecyjalizavanym pošukavym bataljonam Ministerstva abarony Respubliki Biełaruś. Praca praciahvajecca dahetul. Tak, u listapadzie 2020 hoda pra jaje raskazvała dziaržaŭnaje vydańnie «Hrodzienskaja praŭda».
