U Paryžy pratestavali kala 11 tysiač čałaviek. Sotni radykalna nastrojenych udzielnikaŭ vyjšli na prajeznuju častku na Jelisiejskich palach, zabłakavali ruch i atakavali palicejskich. Suprać ich užyli ślezaciečny haz. Dzieviać čałaviek zatrymali.
Žychary Francyi pratestujuć suprać abaviazkovaj vakcynacyi ad COVID-19. Ad 21 lipienia francuzy biez pryščepki albo admoŭnaha PCR-testu nie mohuć chadzić u kinateatry i kancertnyja zały, a z pačatku žniŭnia im zabaroniać taksama naviedvać bary, restarany, kuplać kvitki na ciahniki i samaloty.
Abaviazkovuju vakcynacyju taksama ŭviali siarod miedycynskich rabotnikaŭ — pad pahrozaj zvalnieńnia jany pavinny pryščapicca da 15 vieraśnia.
Taksama pratesty suprać vakcynacyi prajšli ŭ Łondanie.