Akademija MUS
Najbolšaj papularnaściu sioleta karystalisia kirunki «apieratyŭna-vyšukovaja dziejnaść» (135 zajaŭ na 110 miescaŭ, konkurs - 1,2) i «sudova-prakurorska-śledčaja dziejnaść» (114 zajaŭ na 75 miescaŭ, konkurs - 1,5). Budučamu apieratyŭniku nieabchodna 195 bałaŭ (suma pa troch CT i siarednim bale atestata), kab vučycca biaspłatna, śledčamu — 210. Letaś prachadnyja bały na hetyja kirunki byli na 10 punktaŭ vyšej.
Samy vialiki konkurs — na sudekśpierta siarod dziaŭčat: 4,4 čałavieka na miesca. Tam adkryta ŭsiaho piać miescaŭ. Chapaje achvotnych dziaŭčat pracavać u Departamiencie vykanańnia pakarańniaŭ: na adpaviednym kirunku pretenduje amal dva čałavieki na miesca.
Niedabor čakajecca tolki na dvuch śpiecyjalnaściach na fakultecie milicyi — «administratyŭna-pravavaja dziejnaść» i toj ža kirunak u intaresach Minabarony. Kolkaść padadzienych tudy zajaŭ na 37 mienš za płan pryjomu. Pastupić na biudžet na jurysta zmoža navat troješnik, jaki nabraŭ 135 bałaŭ (atestat + try CT).
Vajskovaja akademija
Sioleta niedabor u Vajskovaj akadiemii — bolš za 100 čałaviek (382 zajavy na 484 miescy). Pry hetym čverć abituryjentaŭ pastupaje biez ustupnych ispytaŭ ci pa-za konkursam.
Najmienš pryvabnymi dla moładzi byli fakultety supraćpavietranaj abarony i rakietnych vojsk i artyleryi. Kolkaść zajaŭ tam amal u dva razy mienš za płan pryjomu.
A samy vialiki konkurs iznoŭ na śpiecyjalnaść dla dziaŭčat, heta tłumačycca tym, što dla dziaŭčat u siłavych VNU vydzialajuć vielmi mała miescaŭ. Na vajennaha psichołaha — 3,5 čałavieki na miesca (voźmuć tolki dźviuch abituryjentak).
Miarkujučy pa padadzienych zajavach, pastupić na fakultet vajennaj raźviedki ci ŭnutranych vojsk možna sa 121 bałam (heta ŭ siarednim pa 30 bałaŭ za atestat i CT). Paraŭnajcie: u 2020-m dla zaličeńnia tudy patrabavałasia 179 i 157 bałaŭ adpaviedna.
Vypusknikoŭ, jakija panieśli dakumienty z 300 bałami i bolš, adzinki.
Letaś konkurs u akademiju składaŭ ad adnaho da dvuch čałaviek na miesca ŭ zaležnaści ad śpiecyjalnaści. Vyklučeńnie — vajenny psichołah dla dziaŭčat, dzie konkurs byŭ 4,3.
